«ժողովուրդ»-ի տեղեկություններով՝ «Հայրենիք» կինոթատրոնում տեղակայված ԲՀԿ շտաբում օրերս Գագիկ Ծառուկյանն անդրադարձել է նախկին ԲՀԿ-ական, այժմ ՕԵԿ-ական Ռուբեն Մասումյանին՝ Բենզին Ռուբոյին:
«Նա ասել է, որ ինքը Բենզին Ռուբոյին ամենախիստ ձևով է պատժելու: «Ականջները կտրելու եմ», -հայտարարել է նա: Ծառուկյանը ասել է նաև, որ երբ Մասումյանը ԲՀԿ-ական Է եղել, իրենից մի անգամ 30 հազար, մի անգամ Էլ 50 հազար դոլար է խնդրել՝ առողջական խնդիրները լուծելու համար, սակայն գումարը բոլորովին այլ տեղ է ծախսել:
ԲՀԿ նախագահի խոսնակ Խաչիկ Գալստյանը, թերթի հարցին ի պատասխան, ասել է, որ իրենց կուսակցության անդամներն արդեն իսկ անդրադարձել են Բենզին Ռուբոյի պահվածքին: «Աստված է ամեն մեկի դատավորը, և Աստված թող դատի ամենքին իր մեղքի համար»,-նշել է նա:
