Հայաստանյան կրթական համակարգը բարեփոխելու և այն եվրոպական կրթական համակարգին ինտեգրելու համար 2005 թ. Բերգենում Հայաստանը միացավ Բոլոնիայի գործընթացին: Այդ պահից սկսած մեզանում կրթությունը երկփուլ է, ներմուծվել է կրեդիտների կուտակման ու փոխանցման և դիպլոմի հավելվածի համակարգը: «Առաջին լրատվական»-ի հետ զրույցում ԿԳ նախկին նախարար Էդուարդ Ղազարյանը կարծիք հայտնեց, որ Բոլոնյան գործընթացում շատ բաներ կան, որոնք կիրառելի չեն մեր կրթական համակարգի համար. «Անցնելով Բոլոնյան համակարգին՝ մենք կորցնում ենք նախկին խորհրդային կրթական համակարգի բացահայտ առավելությունները»:
Ղազարյանը նաև հավելեց, թե այդ համակարգը մեզ ոչ ոք էլ չի պարտադրել. «Այդ մենք ենք բարեփոխումներ իրականացնելիս մեզ գցում էդ համակարգի վրա»:
