«Թերեզա Դ-ն» ապրիլի 4-ին մահացած Կլոդ Միլլերի վերջին աշխատանքն է, որտեղ գլխավոր դերում հանդես է եկել Օդրի Թոթուն: Այն կդառնա Կաննի կինոփառատոնի փակման ֆիլմը։ Այս մասին հաղորդվում է կինոփառատոնի կայքում:
«Թերեզա Դ»` Ֆրանսուա Մորիակի վեպի էկրանավորումը կոչվում էր «Թերեզա Դեսկեյրու»:
Կինոփառատոնի ծրագրային տնօրեն Թիերրի Ֆրեմոն այս ֆիլմն ընտրել է, որպես հարգանքի տուրք հանգուցյալ դասականին, ով իր կարիերան սկսել է Ռոբեր Բրեսսոնի և Ժան-Լյուկ Գոդարի մոտ օգնական աշխատելով: 1998 թվականին Կաննում նա իր La classe de neige-ի համար Գրան-պրիի էր արժանացել:
Կաննի կինթփառատոնը, որն այս տարի տեղի կունենա մայիսի 16-27-ը, կբացվի ամերիկացի Ուես Անդերսոնի «Լիալուսնի թագավորությունը» ֆիլմով:
Չորեքշաբթի օրը հայտարարվել է նաև Սերջո Լեոնի «Մի անգամ Ամերիկայում» գանգստերական էպոսի վերականգնված տարբերակի հատուկ ցուցադրության մասին:
