Հայկական ԱԷԿ-ի թիվ 2 էներգաբլոկի շահագործման նախագծային ժամկետի երկարացման գործընթաց է սկսվում: Հարցը ներառված է կառավարության վաղվա նիստի օրակարգում: Ժամկետի երկարացման անհրաժեշտությունն առաջացել է՝ ելնելով ՀՀ էներգետիկ անվտանգության և անկախության ապահովման անհրաժեշտությունից, և հաշվի առնելով ՀՀ-ում նոր միջուկային էներգաբլոկի թողարկման հնարավոր ժամկետները:
ՀԱԷԿ-ի թիվ 2 էներգաբլոկը 2011 թ. շահագործման լիցենզիա է ստացել 10 տարով, սակայն ըստ այդ լիցենզիայի պայմանների՝ ՀԱԷԿ-ի թիվ 2 էներգաբլոկի շահագործման լիցենզիայի ժամկետն ավարտվում է 2016 թ. սեպտեմբերի 1-ին (շահագործման նախագծային ժամկետի ավարտին` 30 տարի):
Հաշվի առնելով ՀՀ-ում նոր միջուկային էներգաբլոկի թողարկման հնարավոր ժամկետները, և որպեսզի ապահովվի երկրի էներգետիկ անվտանգությունը և անկախությունը, անհրաժեշտ է երկարացնել ՀԱԷԿ-ի թիվ 2 էներգաբլոկի շահագործման ժամկետը:
