Ժամանակն է, որ Հանրային վերահսկողության շտաբը սկսի իր աշխատանքները. շտաբի կառուցվածքի վերաբերյալ այսօր կայացած քննարկման ժամանակ ասաց ԲՀԿ անդամ, ԱԳ նախկին նախարար Վարդան Օսկանյանը:
Քննարկմանը ներկա ՀԱԿ համակարգող Լևոն Զուրաբյանն իր հերթին նկատեց, որ իրենք չեն բացառում շտաբի աշխատանքներում ՀԱԿ-ի այլ գործիչների ներգրավումը:
«Մեր ներկայացուցիչները պետք է արձանագրեն բոլոր խախտումները և բարձրաձայնեն դրանց մասին: Ինչ վերաբերում է «Ժառանգությանը», ապա մենք համարում ենք, որ այդ կուսակցության ստորագրությունն ուժի մեջ է, և այն շարունակում է մնալ այս ձևաչափի լիիրավ անդամի կարգավիճակում»,- ասաց նա:
Անդրադառնալով ապրիլի 15-ին քարոզարշավի ժամանակ ՀԱԿ ներկայացուցիչների նկատմամբ արձանագրված բռնության դեպքերին՝ Լևոն Զուրաբյանը Հանրային վերահսկողության շտաբին հորդորեց հանդես գալ համապատասխան դատապարտող հայտարարությամբ:
