Իմ հնարավորությունների գնահատականը կտա ընտրողը: Այսօր «Առաջին լրատվական»-ի հետ զրույցում նման տեսակետ հայտնեց թիվ 12 ընտրատարածքում առաջադրված ՀՅԴ թեկնածու Կառլեն Գևորգյանը` խոսելով նախընտրական քարոզչության մասին:
Նա նշեց, որ ՀՅԴ Էրեբունի համայնքի կառույցի հետ համատեղ բաժանել են քարոզչական աշխատանքները, հանդիպումներ են կազմակերպել բնակիչների հետ և շարունակելու են այդ հանդիպումները:
«Մինչ այս պահն ամեն ինչ իր հունով է ընթանում, և մինչ այս պահը խնդիրներ և խոչընդոտներ չեն եղել»,- տեղեկացրեց թեկնածուն:
Հարցին, թե ինչպե՞ս է գնահատում իր հնարավորությունները, նա պատասխանեց, որ հնարավորությունների գնահատականը պետք է ընտրողը տա: «Ես չեմ ցանկանում ամպագոռգոռ խոսքեր ասել, ի վերջո՝ ընտրողները հասկացող են, պարզ են, իրենք տեսնում են թեկնածուներին, ամեն թեկնածու իր ծրագրերով է ներկայանում, ի վերջո՝ գնահատականը մենք կստանանք ընտրությունների օրը»,- մեկնաբանեց Կ. Գևորգյանը:
