Ֆրանսիայի և ԱՄՆ-ի արտգործնախարարները հինգշաբթի օրը Փարիզում կքննարկեն Սիրիայում տիրող իրավիճակը:
Reuters գործակալության փոխանցմամբ` հանդիպմանը մասնակցելու համար Փարիզ կժամանեն ԱՄՆ պետքարտուղար Հիլարի Քլինթոնը, և այլ երկրների, մասնավորապես՝ Թուրքիայի և Քաթարի արտգործնախարարները:
Հիշեցնենք, որ այսօր Սիրիայում իր աշխատանքներն է սկսել ՄԱԿ-ի դիտորդների առաջին խումբը, որը պետք է հետևի սիրիական ճգնաժամի կարգավորման հարցերով հատուկ բանագնաց Քոֆի Անանի ծրագրի իրականացմանը:
ՄԱԿ գլխավոր քարտուղար Պան Գի Մունը հույս է հայտնել, որ դիտորդների առաքելությանը կհաջողվի դադարեցնել բռնությունը Սիրիայում և բանակցության սեղանի շուրջ նստեցնել հակամարտող կողմերին:
