Twitter միկրոբլոգների ծառայությունը ձեռք է բերել Hotspots.io տեխնոլոգիան, որն առաջին անգամ վերլուծություն կիրականացնի սոցիալական մեդիայում: Գործարքի մասին այլ մանրամասներ չեն հաղորդվում:
Նախագծի մշակողները կմիանան Twitter-ի ինժեներների խմբին և կաշխատեն այն գործիքների վրա, որոնք անհրաժեշտ են սոցիալական ցանցերի պլատֆորմում գովազդային արշավների վելուծության համար: Ինչպես նշում է TechCrunch-ը, նախագիծը կիրառվել է փակ ռեժիմում՝ վերլուծելով Twitter-ի օգտատերերի ռեակցիան գովազդային հոլովակների նկատմամբ, որոնք ցուցադրվել են Super Bowl-ի՝ Ամերիկյան ֆուտբոլի ազգային լիգայի եզրափակիչ խաղի ժամանակ:
Վերջին շրջանում ԶԼՄ-ները բացահայտել են նաև, որ Twitter-ը ցանկացել է գնել Instagram ֆոտոծառայությունը, սակայն այն 1 միլիարդ դոլարով գնել է Facebook-ը: