Նորվեգացի ահաբեկիչ Անդերս Բրեյվիկի գործով դատավորներից մեկին՝ Թոմաս Ինդերբուին, հեռացրել են գործի քննությունից՝ կապված մեկ տարի առաջ համացանցում արված նրա արտահայտությունների հետ:
«Մահապատիժը տվյալ դեպքում միակ ելքն է»,- հուլիսի 23-ին՝ ողբերգության հաջորդ օրը, գրել էր նա համացանցում:
Այսօր ավելի վաղ և՛ մեղադրող, և՛ պաշտպանող կողմերը պահանջել էին հեռացնել նրան գործից:
Դատական գործընթացը վարող դատավոր Էլիզաբեթ Ամթսենն անգամ կես ժամով հետաձգել է լսումները, երբ հայտնի է դարձել Ինդերվի արտահայտությունների մասին: Ինքը՝ Ինդերբուն, չի հերքում, որ իրոք նման հայտարարություն է արել:
Հիշեցնենք. երեկվանից Օսլոյի դատարանում սկսվել է Բրեյվիկի դատավարությունը: Այսօր նա հանդես կգա 30 րոպեանոց ելույթով:
Բրեյվիկը մեղադրվում է 2011 թ. հուլիսի 22-ին Օսլոյի կառավարության շենքի մոտ 8 և Ուտոյա կղզում 69 մարդկանց սպանության մեջ:
