Թուրքական Yeni Şafak թերթի փոխանցմամբ՝ ադրբեջանական Texnika bank բանկի նախագահ Էթիբար Ալիևի ձերբակալությունն իրականացվել Վրաստանի նախագահ Միխեիլ Սաակաշվիլիի խնդրանքով: Էթիբար Ալիևը մեղադրվում է վրացի գործարարներից մեկի խոշոր չափի գումարների յուրացման մեջ:
Թերթը հիշեցնում է, որ նախորդ ամիս Բաքու կատարած այցելության ժամանակ Սաակաշվիլին հանդիպել էր իր ադրբեջանցի գործընկեր Իլհամ Ալիևի հետ և խնդրել էր օգնել վրացի գործարարի փողերի հետ վերադարձման հարցում:
Ադրբեջանից Սաակաշվիլիի հեռանալուց անմիջապես հետո Էթիբար Ալիևը ձերբակալվում է: Բացի այդ, նրան տրվում է մեկ ամիս ժամանակ՝ վրացի գործարարի գումարները հետ վերադարձնելու համար: Խոսքը 5 միլիոն դոլարի մասին է: Նշվում է, որ ադրբեջանական Texnika bank բանկի մասնաճյուղերը գործում են Թուրքիայում ու Վրաստանում:
