Երգչուհի Ադելի «21» ալբոմը, որը թողարկվել է 2011-ի հունվարին, կրկին բրիտանական հիթ-շքերթի առաջատարն է: Հիթ-շքերթի տասնյակում նա եղել է 64 շաբաթ, որից 23-ը՝ առաջին հորիզոնականում: Առաջին հորիզոնականում գտնվելու քանակով Ադելը առաջ է անցել Դեվիդ Բոուիից և Dire Straits-ից, որոնք առաջին հորիզոնականում են գտնվել 22 շաբաթ:
Բրիտանական ալբոմների հիթ-շքերթում Ադելին հաջորդում է Նիկի Մինաժի «Pink Friday: Roman Reloaded» ալբոմը: Եռյակը եզրափակում է սկսնակ երգչուհի Ալաբամա Շեյքսը իր «Boys & Girls» ձայնասկավառակով:
Բրիտանական թոփ տասնյակն այսպիսին է.
1. “21” – Ադել
2. “Pink Friday: Roman Reloaded” – Նիկի Մինաժ
3. “Boys & Girls” – Ալաբամա Շեյքս
4. “Who You Are” – Ջեսսի Ջեյ
5. “Our Version Of Events” – Էմիլի Սանդե
6. “Born To Die” – Լանա դել Ռեյ
7. “Nothing But The Beat” – Դեվիդ Գետտա
8. “Music Rox” – Մոշի Մոնսթերս
9. “Electronic Earth” – Լաբրինթ
10. “+” – Էդ Շերիդան
Ադելի “21” ալբոմը հիթ է դարձել ոչ միայն Մեծ Բրիտանիայում, այլև ԱՄՆ-ում, Ավստրալիայում, Նոր Զելանդիայում, Ֆրանսիայում, Գերմանիայում, Արգենտինայում և այլ երկրներում: Ալբոմն արժանացել է երկու Գրեմմի մրցանակի՝ «Տարվա լավագույն ալբոմ» և«Լավագույն փոփ-ալբոմ» անվանակարգերում:
