Ռեժիսոր Ջոս Ուիդոնը հայտարարել է, որ վարձույթի համար «Վրիժառուները» ֆիլմը ֆիզիկական կրիչների վրա 30 րոպե ավելի երկար կլինի: Այս մասին հայտնում է lenta.ru-ն՝ հղում անելով Collider-ին: Այդպիսով՝ ֆիլմի ընդհանուր տևողությունը կկազմի մոտ 3 ժամ:
Կինոթատրոնների համար նախատեսված տարբերակի տևողությունը 140 րոպե է: Առանձին հատվածներ մոնտաժվել են, քանի որ Ուիդոնի կարծիքով, դրանք «սպանում էին» ֆիլմի ռիթմը: Արդյունքը գոհացրել է ռեժիսորին, նա որոշել է մոնտաժված հատվածները ներառել վաճառքի ենթակա տարբերակում:
«Վրիժառուները» ֆիլմը հիմնված է Marvel կոմիքսների վրա: Ֆիլմում ընդգրկված են մի քանի հայտնի սուպերհերոսներ՝ Կապիտան Ամերիկան, Տորան, Հալկան և Երկաթե մարդը: Ֆիլմում նկարահանվել են Ռոբերտ Դաունի-կրտսերը, Սքարլետ Յոհանսոնը, Քրիս Էվանսը, Մարկ Ռուֆալոն, Քրիս Հեմսվորթը, Գվինեթ Փելթրոուն, Ջերեմի Ռենները, Թոմ Հիդլսթոնը և Սամուել Ջեքսոնը: Ֆիլմի բյուջեն 220 միլիոն դոլար է:
«Վրիժառուները» ֆիլմը վարձույթում կհայտնվի մայիսի սկզբին:
