Թագավորական հոբելյանների պատմության մեջ առաջին անգամ մեծ Բրիտանիայի կառավարությունը որոշել է պատվավոր հյուրերի համար չամրագրել Բուկինգհեմյան պալատի լավագույն տեղերը Մոլ պողոտայում: Այս մասին հայտնում է ITAR-TASS գործակալությունը:
Հունիսի 5-ին կայանալիք կուլմինացիոն տոնախմբության ժամանակ, որը նվիրված է Մեծ Բրիտանիայի թագուհի Էլիզաբեթ 2-րդի` գահ բարձրանալու ադամանդե հոբելյանին (60-ամյակ), շուրջ 10 հազար տոմս կխաղարկվի վիճակախաղում: Այս մասին հայտնում են բրիտանական ԶԼՄ-ները:
Դրանց կարող են հավակնել բոլոր բրիտանահպատակ քաղաքացիները, այդ թվում` արտերկրում գտնվողները:
Խաղարկվող տեղերից, համաձայն հաղորդագրության, հիանալի երևում է Լոնդոնով անցնող կառքի շքախումբը, միապետի նստավայրի վրայով թռչող ինքնաթիռը, ինչպես նաև թագավորական ընտանիքի` Բուկինգհեմյան պալատի պատշգամբ դուրս գալը:
Այս իրադարձություններով է ավարտվում երկրում հոբելյանի առթիվ կազմակերպված 4-օրյա հանդիսավոր տոնախմբությունը, որը կներառի վերջին 300 տարում խոշորագույն 10 կիլոմետրանոց շքերթը` բաղկացած Թեմզա գետի վրայով լողացող շուրջ 1000 նավից` թագուհու գլխավորությամբ:
Բրիտանիայի մշակույթի նախարար Ջերեմի Հանթի խոսքով` «հանրությանը ներկայացվող հնարավորությունը` ստանալ անվճար լավագույն տեղերը, արդար որոշում է ու համապատասխանում է ժամանակի ոգուն»:
