Վրացական «Կվիրիս պալիտրա» թերթի փոխանցմամբ՝ օրեր առաջ Վրաստանում ներկայացված տեղական արտադրության անօդաչու թռչող սարքը (ԱԹՍ) հանդիսանում է Էստոնիայի կողմից թողարկվող SWAN-205 հետախուզական ինքնաթիռի արտոնագրված տարբերակը:
Թերթի տվյալներով՝ այդ եզրահանգման կարելի է գալ վրացական ԱԹՍ-ի ու համակարգչային ցամաքային ղեկավարման մանրակրկիտ դիտարկումից հետո: Թերթն ընդգծում է, որ ՆԱՏՕ-ի անդամ հանդիսացող Էստոնիան հերթական անգամ աջակցում է Վրաստանին:
Դրա հետ մեկտեղ թերթը նշում է, որ եթե դա իսկապես այդպես է, ապա ավելի լավ կլիներ այդ մասին հայտարարել ԱԹՍ-ի շնորհանդեսի ժամանակ:
Հիշեցնենք, որ վրացական ԱԹՍ-ի շնորհանդեսը տեղի է ունեցել ապրիլի 10-ին: Դրան ներկա է գտնվել նախագահ Միխեիլ Սաակաշվիլին:
