ՄԵծ Բրիտանիայի Ազգային ռազմական թանգարանի անցկացրած հարցման համաձայն՝ բրիտանացիները Ջորջ Վաշինգտոնին համարում են թագավորության զորքերին դիմադրություն ցույց տված ամենավտանգավոր հրամանատարը: ԻՆչպես հաղորդում է Reuters-ը, Վաշինգտոնի գործողություններն ամենավտանգավորն են համարվել պատմական տեսանկունից, քանի որ ԱՄՆ անկախության համար պատերազմից հետո Լոնդոնը կորցրեց վերահսկողությունը հսկայական տարածքների վրա:
ԱՄՆ առաջին նախագահից բացի՝ ոչ ֆորմալ մրցույթի ցուցակում տեղ է գտել նաև իռլանդացի հեղափոխական Մայքլ Քոլինզի, Ֆրանսիայի կայսր Նապոլեոն Բոնապարտի, Վերմախտի գեներալ-ֆելդմարշալ Էռվին Ռոմելի և Թուրքիայի հանրապետության հիմնադիր Մուստաֆա Քեմալ Աթաթուրքի անունները: Ընդհանուր առմամբ հարցմանը մասնակցել է 8000 մարդ:
Ջորջ Վաշինգտոնը բրիտանական զորքերին դիմակայել է 1775-1783թթ. ԱՄՆ անկախության համար պատերազմի տարիներին: Պատմաբան Սթիվեն Բրումելը, որը մրցույթի խորհրդականն էր, այդ արշավի արդյունքները գնահատել է որպես «կայսրության ամենակործանիչ պարտությունը»: «Նրա՝ որպես առաջնորդի անձնական ներդրումը վճռորոշ գործոն էր»,-ասել է նա:
