Վրաստանում շաքարավազը թանկացել է: 1 կգ շաքարավազի գինը աճել է մոտ 12 թետրիով` կազմելով 2.2 լարի, որոշ տեղերում նաև` 2.4 լարի: Այս մասին հաղորդում է bizzone.info վրացական կայքը: Ինչպես հայտարարել է «Աջարական շաքարավազի» գլխավոր գործադիր տնօրեն Ալխան Ալիզադեն, 50 կգ շաքարավազի մեծածախ գինը այսօրվանից կազմում է 104 լարի` նախկին 98 լարիի փոխարեն: Նրա խոսքով, Վրաստանում գների աճը պայմանավորված է միջազգային շուկաներում գների աճով: Բացի այդ, նա թանկացումը բացատրել է սպառողների վարքագծով, որոնք վերջին շրջանում ավելացրել են շաքարավազի սպառումը: