Չինաստանի հարավարևմտյան հատվածում ձնաբքի և տեղացած սառցե անձրևների պատճառով ստեղծվել է քաոսային իրավիճակ: Ճանապարհները վերածվել են սահադաշտերի, վնասվել են էլեկտրալարեր (Գունսի նահանգում թաց ձյան ծանրությունից ամբողջովին ավերվել է 332 տուն, իշխանությունները ստիպված են եղել տարհանել մոտ 6 հազար մարդու, իսկ տուժած շրջաններում, ըստ իշխանությունների, բնակվում է 3 մլն մարդ: Այս պահին անանցանելի է 132 մայրուղի:
Հարևան Խունան նահանգում եղանակային անբարենպաստ պայմանների պատճառով տուժել է մոտ 10 մլն մարդ, տարհանվել են 73 հազարը: Շատ վայրերում ընդհատվել է հեռախոսակապը: Վերջին տարիներին սա ամենաուժեղ ձնաբուքն է: Այսպիսի եղանակ չինական այս շրջաններում չի դիտվել ավելի քան 35 տարի:
