Էստոնիայի Հանրապետության անվտանգության ծառայության լրատվական կենտրոնը զեկույց է հրապարակել 2011 թվականի ընթացքում այդ պետության դեմ թշնամական գործունեության մասին: Փաստաթղթում նշվում է, որ մի շարք ռուսական պետական և ոչ պետական կազմակերպություններ մեղադրվում են նյութերի տարածման մեջ, որոնք խաթարում են Էստոնիայի անվտանգությունն ու կայունությունը:
Ինչպես հավաստում է ZAMAN-ը, երկրի համար առավել վտանգավորը ՌԴ ԱԳՆ-ն է` ի դեմս Սերգեյ Լավրովի, ինչպես նաև՝ «Աշխարհն առանց նացիզմի» կազմակերպությունը: Ներկա պահին այն գլխավորում է հայտնի ռուս քաղաքական գործիչ, մի շարք հրեական հասարակական կազմակերպությունների ղեկավար Բորիս Շպիգելը:
Բացի այդ, զեկույցում ուշադրություն են դարձնում նաև ռուսական պետական հեռուստաալիքների «նեոստալինյան քարոզչությանը», ինչպես նաև լրագրող ու հեռուստահաղորդավար Մաքսիմ Շևչենկոյին` որպես նախկին ԽՍՀՄ-ի վերածնման վառ կողմնակի և մերձբալթյան երկրների անկախության հակառակորդի:
