Մանրածախ առևտրի ամերիկյան խոշորագույն Best Buy ցանցի ղեկավար Բրայան Դանի՝ այս շաբաթ հայտարարած հրաժարականի պատճառը իր անվան շուրջ ծագած սեքս սկանդալն է: Այս մասին հաղորդում է NBC-ն:
Պարզվել է, որ նա սեռական հարաբերություններ է ունեցել ընկերության մի աշխատակցուհու հետ, որը նրանից 20 տարով փոքր է: Բացի այդ, Դանը սեփական նպատակներով օգտագործել է ընկերության ակտիվները: Ներկայումս Best Buy-ում ընթանում է քննություն, որը պետք է պարզի Դանի կողմից հասցված վնասների չափը 2009թ.-ի ամռանից ի վեր, երբ նա ստանձնել էր այս պաշտոնը:
Տեղեկացնենք նաև, որ վերջին ֆինանսական տարում Best Buy ցանցի հասույթը կազմել է 50,3 մլրդ դոլար: