API-ի հաղորդմամբ՝ Android հեռախոսներում հասանելի լինելուց և Facebook ընկերությանը վաճառվելու մասին տեղեկություններով լրատվամիջոցների ուշադրության կենտրոնում լինելուց հետո Instagram ֆոտոծառայությունն այժմ ավելի քան 40 միլիոն օգտատեր ունի: Սա նշանակում է, որ 10 օրվա ընթացքում ֆոտոծառայությանը միացել է 10 միլիոն օգտատեր:
VB news-ը հաղորդում է, որ Gramfeed կայքի հիմնադիր Ռաքշիթ Կրիշնապան հայտնել է օգտատերերի թվի ավելացման մասին: Instagram-ը դեռևս պաշտոնապես չի հաստատել 40 միլիոն օգտատեր ունենալու փաստը, սակայն գրեթե կասկած չկա դրանում, քանի որ Android-ով սարքերի մեջ ֆոտոծառայությունն արդեն ներբեռնվել է ավելի քան 5 միլիոն անգամ:
Օգտատերերի թվի նման աճը բացահայտում է, թե ինչու է Facebook-ը ցանկանում գնել Instagram-ը:
