ԱՄՆ-ի Նյու Ջերսի նահանգում կովը փախել է սպանդանոցից ու ավելի քան մեկ ժամ վազել փողոցներով: Դեպքը տեղի է ունեցել ապրիլի 10-ի երեկոյան Պատերսոն քաղաքում: Այս մասին գրում է տեղական The Record հրատարակությունը:
Սև-սպիտակ կովի որոնման աշխատանքներին մասնակցել են ոստիկաններ ու կենդանիների հսկողության գերատեսչության ներկայացուցիչներ:
Ոստիկանության տվյալով`սպանդանոցից կովի փախչելու մասին նրա տերերը չեն իմացել: Թե ինչ կերպ է կովը կարողացել աննկատ փախչել, առայժմ հայտնի չէ: Այսպես թե այնպես, կովը շրջել է քաղաքի փողոցներով, բասկետբոլի հրապարակ մտել, ապա շարունակել ճանապարհը:
Ի վերջո, հաջողվել էլ կենդանուն բռնել ու ժամանակավոր քնեցնել: Փախսատականին վերադարձրել են իր տիրոջը, որը խոստացել է ներել կովին:
Կովը ներկայում գտնվում է ֆերմայում ու վայելում է իր ազատությունը:
