Իրանական IRNA լրատվական գործակալության փոխանցմամբ՝ Իրանի փոխարտգործնախարար Հոսեին Ամիր Աբդոլահիանը հայտարարել է, որ Իրանի նախագահի կողմից Աբու-Մուսա կղզի այցելելն Իրանի ներքին գործն է.
«Ահմադինեժադի այցն այդ կղզի առաջացրել է ԱՄԷ-ի կառավարության դժգոհությունը, սակայն Աբու Մուսա, Մեծ և Փոքր Տոմբ կղզիներն Իրանի անբաժանելի մասն են: Չնայած տվյալ խնդրի շուրջ առկա տարաձայնություններին՝ Իրանը մտադիր է ընդլայնել ու ամրագրել ԱՄԷ-ի հետ իր կապերը: Իրանն ու ԱՄԷ-ն պետք է բանակցեն և փոխըմբռնման հասնեն գոյություն ունեցող խնդիրների շուրջ»:
Հիշեցնենք, որ ԱՄԷ-ն, Ահմադինեժադի այդ այցի հետ կապված, Իրանից հետ է կանչել իր դեսպանին: Ի դեպ, արդեն ավելի քան 30 տարի է, ինչ Իրանն ու ԱՄՆ-ը վիճարկում են Պարսից ծոցում՝ Հորմուզի նեղուցի մոտ գտնվող այդ երեք կղզիների պատկանելությունը: Այդ կղզիներն ունեն ռազմավարական մեծ կարևորությունը, քանի որ տվյալ շրջանով է անցնում նավթի համաշխարհային արտահանման 30-40 տոկոսը:
