Ինչպես հաղորդում է Associated Press գործակալությունը, հոլիվուդյան գեղեցկության սրահներից մեկի սեփականատերը իր հաճախորդների կրեդիտային քարտերից հանել է մինչև մեկ միլիոն դոլար:
Բևեռլի Հիլզում գտնվող Chez Gabriela Studio սրահի տնօրենը դա արել է առանց քարտերի տերերին զգուշացնելու: Հայտնի է, որ «քցվածների» թվում են հայազգի երգչուհի Շերը, Էն Հեթեվեյը, Լիվ Թայլերը:
Սրահի տերը` Գաբրիել Հաշեմիփուրն արդեն խոստովանել է արարքը: Դատարանը կարող է նրան մինչև 10 տարվա ազատազրկման դատապարտել։ Նա նաև ստիպված կլինի վերադարձնել ողջ գումարը և 250 հազար դոլարի տուգանք վճարել: