«ՀԺ»-ն գրում է, որ երեկ երեկոյան Հայ ազգային կոնգրեսի անդամ, նախկին քաղաքական բանտարկյալ Վարդգես Գասպարիին մոտեցել են անհայտ անձինք, սպառնալիքներ ու հայհոյանքներ տեղացել:
«Երեկ Գասպարին մեր թղթակցին պատմել Է, որ Դեմիրճյան փողոցի 17 շենքի մուտքի մոտ Աժ առաջիկա ընտրությունների կապակցությամբ Երևանի քաղաքապետարանի կողմից տեղադրված ցուցատախտակների վրա՝ մյուս հայտարարությունների կողքին փակցրել Է «Ոչ մի ձայն հանցավոր ռեժիմին» կարգախոսը, տակն կ գրել Է՝ Հայ ազգային կոնգրես: Նույն պաստառի վրա Վարդգես Գասպարին գրել Է իր անուն-ազգանունն ու հասցեն, որ եթե որևէ մեկի մոտ հետաքրքրություն առաջանա՝ դիմեն»:
«Երբ տուն էի վերադառնում, նույն փողոցի վրա գտնվող ՀՀԿ շտաբի մոտ մարդիկ էին հավաքված, որոնք փողոցային հայհոյանքների բառապաշարով ինձ սպառնացին, թե ինչ կանեն ինձ հետ, եթե հաջորդ անգամ նմանատիպ բաներ փակցնեմ այդտեղ: Հետո տեսա, որ հայտարարությունը պոկված է ցուցատախտակի վրայից»,- «ՀԺ»-ի թղթակցին պատմել է Վարդգես Գասպարին և ավելացրել, որ տեղի ունեցածի վերաբերյալ պատրաստվում է հաղորդագրություն գրել և ուղարկել ՀՀ ոստիկանության Կենտրոնի բաժին:
