Դեռևս վաղուց մարդիկ կարծել են, որ բարությունը մենք սովորում ենք մեր ծնողներից ու շրջապատից, բայց նոր հետազոտության արդյունքում պարզվում է, որ որոշ մարդիկ բարի ծնվում են, իսկ որոշները՝ ոչ:
Daily Mail-ը գրում է, որ նոր հայտնաբերված գենն իշխում է այն վարք ու վերաբերմունքի վրա, որը մենք սովորում ենք մեր ծնողներից կամ շրջապատից: «Բարության» գենն ունեցող մարդիկ առավել հակված են նվիրատվություն անելու, մյուսներին օգնելու և հանցանքների մասին համապատասխան մարմիններին հայտնելու:
Buffalo համալսարանի հոգեբանները բացահայտել են, որ մարդիկ, ովքեր կարծում են, որ աշխարհը վտանգավոր վայր է ապրելու համար, սկսում են դրական քայլեր անել, եթե ունեն այնպիսի մի գեն, որը կարգավորում է օքսիտոցին հորմոնի մակարդակը:
Օքսիտոցինը հայտնի է որպես «գրկախառնության հորմոն», քանի որ այն միացնում է զույգերին կամ մայրերին ու նրանց երեխաներին:
Հոգեբանները նշում են, որ իրենք չեն ասում, թե հայտնաբերել են «բարության» գենը, բայց իրենց հետազոտությունը կարող է նպաստել այդ ոլորտում գիտական առաջընթացին:
Մայք Պոլինն ասում է, որ այն մարդիկ, ովքեր աշխարհն ընդունում են որպես «դաժան վայր», քիչ հավանական է, որ կօգնեն այլ մարդկանց, եթե միայն նրանք չունեն այն գենը, որը պատասխանատու է բարության համար:
