«Այն, որ հաղորդավարուհի, դերասանուհի Նազենի Հովհաննիսյանը Հ1-ից գնում է «Արմենիա», դեռ հունվար ամսին էինք գրել, սակայն Նազենին դեռ այն ժամանակ հրաժարվել էր մեկնաբանություն տալ` համարելով հարցադրումը ոչ կոռեկտ»,- գրում է «Հրապարակ»-ը և հավելում.
«Ավելի ուշ պարզ դարձավ, որ հունվարի 1-ից վերջինս տեղափոխվել է «Արմենիա» հեռուստաընկերություն, որի եթերով էլ այս օրերին գովազդվում է «Ռետրո» հաղորդումը, որը վարելու է Նազենին: Չնայած Հ1-ով դեռ շարունակվում է եթեր հեռարձակվել «Երջանկության մեխանիկան»: Ըստ հեռուստատեսային կանոնների` այդ հաղորդաշարն այլևս Հ1-ի սեփականությունն է, և դրա կրկնությունները կարող են անսահմանափակ օգտագործվել եթերում»:
Պարզելու համար, թե ինչու էր մի քանի ամիս առաջ հրաժարվում պատասխանել իր աշխատանքային փոփոխության մասին հարցին, և արդյոք «Արմենիայում» իր զբաղվածությունը միայն այս հաղորդման շրջանակներո՞ւմ է լինելու, թերթը կապվել է Նազենի Հովհաննիսյանի հետ, ով այս անգամ նույնպես հրաժարվել է պատասխանել, ասելով, թե նկարահանման է, չի կարող խոսել, ապա խորհուրդ է տվել հետևել անոնսներին, որովհետև այնտեղ ասվում է, թե երբ է հեռարձակվելու նոր հաղորդումը: