Առնվազն 20 միավոր ռազմատեխնիկա ապրիլի 11-ի երեկոյան մտել է սիրիայի կենտրոնում գտնվող Համա քաղաքի կենտրոնական փողոցներ։ Այս մասին հաղորդում է Reuters-ը՝ հղում անելով տեղի բնակիչներին:
Գրեթե միաժամանակ սկսվել է Համայից Հոմս տանող ճանապարհին գտնվող Ռաստան քաղաքի հրետանային ռմբակոծումը։ Ռաստանը բնակչության թվով երկրի երրորդ քաղաքն է:
«Ռազմական գործողությունների վերսկսումից առաջ սիրիական պետական հեռուստատեսությունը հայտարարել է, որ կառավարական զորքերն ապրիլի 12-ի առավոտյան կդադարեցնեն ակտիվ գործողությունները, սակայն կշարունակեն մնալ մարտական պատրաստության մեջ, հնարավոր հարձակումներին հակահարված տալու համար»,– նշում է Agence France-Presse-ը: Ավելի վաղ այդ օրն էր տեղափոխվել ապրիլի 10-ի վերջնաժամկետը։
Ավելի վաղ Սիրիան հայտարարել էր, որ ապրիլի 10-ից սկսում է իրականացնել ծրագրի պայմանները, որը ՄԱԿ-ի անունից առաջարկել էր հատուկ բանագնաց Քոֆի Անանը: Սակայն ռազմական գործողություններն այդ օրը դեռ չէին դադարել, ինչը հիմք էր հանդիսացել, որ Արևմուտքի երկրներն ու ընդդիմությունը Դամասկոսին մեղադրեն խաղաղ պայմանավորվածությունները տապալելու մեջ: