2011 թ. լուծարված The White Stripes խմբի թողարկումների ցանկը կավելանա DVD հրատարակությամբ։ Ինչպես հայտնում է Pitchfork-ը, խմբի նախկին անդամ Ջեք Ուայթի Third Man Records լեյբլը շուտով կթողարկի խմբի վաղ շրջանի ելույթների ձայնագրությունները:
Under New Zealand Lights անվանումը ստացած սկավառակը կներառի 2000 և 2003 թվականներին Նոր Զելանդիայում նկարահանված տեսանյութեր: Առաջին մասը ձայնագրվել է ամերիկյան դուետի` Օքլենդում կայացած The White Stripes ելույթի ժամանակ, իսկ երկրորդը, ավելի վաղ ձայնագրություն է, որը կատարվել է Օքլենդի արվարձաններից մեկում:
Թե հատկապես երբ կթողարկվի The White Stripes նոր տեսասկավառակը, դեռևս չի հստակեցվում:
Դեռևս 2011-ի ամռանը խումբն իր երկրպագուների շրջանում տարածել էր նախկինում չհրապարակված երկու ստեղծագործություններ` Love խմբի 1966 թվականի Signed DC, Օտիսի Ռեդինգի I’ve Been Loving You Too Long երգերը, որոնք The White Stripes-ը ձայնագրել էր 1997 թվականի սեպտեմբերին` խմբի կենդանի դեբյուտից երկու ամիս անց:
The White Stripes ստեղծվել է 1997 թվականին՝ Դեթրոյդում: Խմբի կազմի մեջ մտնում էին Ջեք Ուայթն ու Մեգ Ուայթը: Իր գոյության ընթացքում խումբը ձայնագրել է ստուդիական 6 սկավառակ:
