Եվրամիության ղեկավարները որոշում են կայացրել անձնագրային վերահսկողության ավտոմատ համակարգ ներդնել՝ ԵՄ անդամ երկրների սահմաններին տուրնիկետներ տեղադրելով:
Այս մասին տեղեկացնում է Interfax-ը՝ հղում անելով Եվրահանձնաժողովի ներքին գործերի տնօրինության ղեկավար Ստեֆանո Մանսերվիզին:
Նոր համակարգը ստացել է “Գրանցված ուղևոր” անվանումը: Այն կդառնա «Խելացի սահման» նախաձեռնության մի մասը:
Registered Traveler համակարգը ԵՄ տարածք ներթափանցողներից երկրաչափական անձնագրեր կպահանջի: ԵՄ տարածք մուտք գործելու իրավունք ունեցող մարդկանց համար բավարար կլինի երկրաչափական անձնագիրը մոտեցնել ապարատին և անցնել սահմանը:
Անձնագրային վերահսկողության ավտոմատ համակարգն արդեն փորձարկվել է Լոնդոնի Հիդրոու, Ամստերդամի Սխիպհոլ օդանավակայաններում: Դրանք գործարկվում են նաև Ֆինլանդիայի Վանտա քաղաքի և իսպանական Մադրիդի օդանավակայաններում:
Եվրամիության արտաքին սահմանները տարեկան 700 միլիոն մարդ է հատում, իսկ 2030-ին այդ թիվը կարող է 80 տոկոսով աճել:
