BBC հեռուստակորպորացիան պահանջել է եթերից հանել հեռուստատեսային TiVo ծառայության գովազդը, քանի որ այն օգտագործում է հեռուստաալիքին պատկանող Doctor Who սերիալի կերպարներին:
Ինչպես տեղեկացնում է lenta.ru-ն՝ հղում անելով The Mirror-ին՝ Virgin ընկերությունը, որին պատկանում է նոր ծառայությունը, իր գովազդում հեռուստասերիալի կերպարների օգտագործման համար թույլտվության հայցով հեռուստաալիքին չի դիմել: Այնտեղ նկարահանվել է դերասան Դևիդ Տեննանտը, որը սերիալում հանդես է գալիս բժշկի դերով: Գովազդային հոլովակում նա ցույց է տալիս TiVo ծառայության կիրառությունը, որը թույլ է տալիս անձամբ ընտրել տեսաբովանդակությունը: Դիտման համար Տեննանտը կանգ է առնում Doctor Who սերիալի վրա, հենց այդ ժամանակ հոլովակում հայտնվում է Virgin-ի հիմնադիր Ռիչարդ Բրենսոնը: Նա հայտնվում է առեղծվածային խցիկի մեջ փակված, որտեղից դուրս է գալիս երիտասարդացած: Հեռուստաընկերության ղեկավարությունը կարծում է, որ բովանդակային նման տարրը արտացոլում է բժշկի ժամանակային մեքենան:
Virgin ընկերության ներկայացուցիչները հերքում են մեղադրանքները՝ ասելով, որ սերիալի կերպարների օգտագործումը ոչ թե վարկանիշի բարձրացման համար է, այլ իրենք այդ կերպ փորձել են ցույց տալ նորարարությունների ու հետազոտությունների նկատմամբ Ռիչարդ Բրենսոնի ձգտումը:
TiVo-ի գովազդային արշավն արդեն հեռուստաալիքների եթերում է, կինոթատրոններում և համացանցում:
Ի դեպ, սա գովազդում նկարահանվելու Դևիդ Տեննատի առաջին փորձը չէ:
Doctor Who-ն կինեմատոգրաֆիայի ամենաերկարատև սերիալն է: Այն ընդմիջումներով էկրաններին է 1963 թվականից:
