Ամերիկյան «General Atlantic» ներդրումային ընկերությունը ձեռք կբերի «Лаборатория Касперского» ընկերության բաժնետոմսերի մինչև 20%-ը: Այս մասին գրում է «Ведомости« թերթը` հղում անելով «Лаборатория Касперского» ընկերության ներկայացուցիչներին: Գործարքն իրականացնելու վերաբերյալ համաձայնության ձեռք բերման փաստը հաստատել է նաև «General Atlantic» ընկերության գործադիր տնօրեն ու եվրոպական ներկայացուցչության ղեկավար Ջոն Բեռնստայնը և «Лаборатория Касперского» ընկերության տնօրենների խորհրդի անդամ Նատալյա Կասպերսկայան: Գործարքի գումարը կողմերը չեն բացահայտել: Ամերիկյան ընկերությունը գնում է հիմնականում տեղաբաշխված բաժնետոմսեր, ընդ որում «Лаборатории Касперского» ընկերության բաժնետոմսերի վերահսկիչ փաթեթին տիրապետող Եվգենի Կասպերսկին և ընկերության կառավարիչները իրենց տոկոսաբաժինը բաժնետոմսերի մեջ չեն քչացնում: Այս մասին ասել է «Лаборатории Касперского» ընկերության գործադիր տնօրեն Եվգենի Բույակինը: Սակայն գործարքի կատարումով «General Atlantic»-ը կդառնա բաժնետոմսերի տոկոսային կշռով երկրորդը, իսկ նրա ներկայացուցիչը կընդգրկվի տնօրենների խորհրդի կազմում: «General Atlantic»-ին բաժնետոմսեր վաճառողը հիմնականում ընկերության հիմնադիրներից մեկն է` Նատալյա Կասպերսկայան:
IDC-ի գնահատականով, «Лаборатории Касперского» ընկերության արտադրանքը 2009թ. միջազգային շուկայում կազմել է անհատական համակարգիչների հակավիրուսային ծրագրերի 5.8%-ը: 2010-ին այս ցուցանիշը հասել է 7.5%-ի: Բույակինի խոսքով` ընկերության հասույթը 2010-ին աճել է 35-40%-ով, իսկ 2011-ին կաճի ևս 30%-ով, այսինքն` կարող է կազմել 431-447 մլրդ դոլար:
