Անցած շաբաթ` հոկտեմբերի 18-ից 22-ը ընկած ժամանակահատվածում, դրամի կուրսը կայուն պահելու համար ԿԲ-ն համեմատաբար ավելի քիչ ծավալի դոլար է գնել` 1.5 մլն դոլար: Սա երևում է ԿԲ-ի այսօր հրապարակած տվյալներից: Հիշեցնենք, որ հոկտեմբերի 11-ից 15-ը ընկած ժամանակահատվածում ԿԲ-ն գնել էր 5 մլն դոլար, դրան նախորդող շաբաթում` 6.5 մլն դոլար: Ընդհանուր առմամբ վերջին 5 շաբաթների ընթացքում (սեպտեմբերի 20-ից հոկտեմբերի 22-ը ընկած ժամանակահատվածում) ԿԲ-ն գնել է 21.5 մլն դոլար: Հիշեցնենք, որ եթե դրամի կուրսի կայությունյան պայմաններում ԿԲ-ն դոլար է գնում, դա նշանակում է, որ դրամի արժևորման ուղղությամբ ճնշումները գնալով մեծանում են:
