Լիբիայի նախկին առաջնորդ Մուամար Քադաֆիի որդի Սեիֆ Ալ-Իսլամն ընտրել է փաստաբան, ով կներկայացնի իր շահերը լիբիական դատարանում: Եգիպտական MENA գործակալության ներկայացմամբ, մոտ օրերս նաև նրան Զինթան քաղաքից կտեղափոխեն Տրիպոլիի բանտ:
Հաագայի Միջազգային քրեական դատարանում Լիբիայի ներկայացուցիչ Ահմեդ Ալ-Ջիհանիի խոսքով` լիբիական իշխանությունները հերթական անգամ հաստատել են իրենց մերժումը` Սեիֆ Ալ-Իսլամին հանձնել Միջազգային քրեական դատարան: Նրանք մտադիր են նրան դատել Տրիպոլիում:
«Մոտ օրերս Զինաթի ապստամբները Սեիֆ Ալ-Իսլամին կհանձնեն Տրիպոլիի պաշտոնական իշխանություններին, և նա կպահվի քաղաքային բանտում: Բացի դրանից` Սեիֆ Ալ-Իսլամն իր համաձայնությունն է տվել փաստաբան նշանակելու հարցում»,- Ալ-Ջիհանիին մեջբերում է RIA Novosti-ին:
Հաագայում Սեիֆ Ալ-Իսլամին մեղադրում են մարդկության դեմ հանցագործություն կատարելու համար: Լիբիայի իշխանություններն իրենց հերթին հայտարարել են, որ հայրենիքում Սեիֆ Ալ-Իսլամին արդար դատավարություն է սպասվում:
Հիշեցնենք, որ Սեիֆ Ալ-Իսլամ Քադաֆին ձերբակալվել է 2011թ. նոյեմբերի 19-ին:
