Մարդիկ, ովքեր էլեկտրոնային գրքեր են նախընտրում՝ ավելի շատ են կարդում, քան այն մարդիկ, որոնք նախապատվությունը տալիս են տպագիր գրականությանը: Այս մասին են վկայում ԱՄՆ-ի բնակչության շրջանում Pew Research Center կազմակերպության կատարած հարցումները:
Հարցման արդյունքում պարզվել է, որ էլեկտրոնային ձևաչափի սիրահարները մեկ տարվա ընթացքում ընթերցել են 24 գիրք, իսկ տպագիր գրքերի սիրահարները` 15:
Այնուամենայնիվ, տպագիր գրքերի համբավը ավելի մեծ է, քան էլեկտրոնայիններինը: Pew Research Center-ի կողմից 2011թ. դեկտեմբերին անցկացված հարցումները ցույց են տվել, որ տարվա ընթացքում տպագիր գիրք են կարդացել ամերիկացիների 72%-ը, իսկ էլեկտրոնային`17%-ը:
Pew Research Center-ի հարցմանը մասնակցել են ԱՄՆ-ի 16 տարեկանից բարձր 2986 քաղաքացիներ: Հետազոտության անցկացման համար դրամաշնորհ է տրամադրել Բիլ և Մելինդա Գեյթսերի հիմնադրամը:
