ՀՀ ԱԺ ընտրությունները մարտահրավեր ու փորձություն են ՀՀ իշխանությունների համար. այսօր լրագրողների հետ հանդիպմանը նկատեց Տարածաշրջանային հետազոտությունների կենտրոնի տնօրեն Ռիչարդ Կիրակոսյանը։
Նրա կարծիքով՝ մայիսին կայանալիք ընտրությունները պետք է լրջորեն բարելավեն վիճակը, և Սերժ Սարգսյանի ու Տիգրան Սարգսյանի անձնական խոստումները պետք է իրականություն դառնան: Այս ընտրությունները հնարավորություն են` առաջ շարժվելու և ցույց տալու, որ խոստումները կարող են իրականություն դառնալ:
«Բայց առանց ընտրություններից եկող ներքին կայունության և ուժի` Հայաստանը կվտանգի իրավիճակը, այլ կերպ ասած` այս ընտրությունները փորձություն են նաև ՀՀ ապագա ռազմավարական նշանակության իմաստով: Ընտրությունը միայն ընտրության օրը քվեարկելը չէ, այլ քննարկումները անձերի դաշտից քաղաքականության դաշտ բարձրացնելու կարողությունը: Ժողովրդավարությունն ավելին է, քան մեկ ընտրությունը»,- ասաց Ռիչարդ Կիրակոսյանը։
