Նոր հետազոտության արդյունքում պարզվել է, որ գրասենյակային համակարգչի մկնիկի վրա կան երեք անգամ ավելի շատ մանրէներ, քան զուգարանակոնքի վրա։
Daily Mail-ը գրում է, որ հետազոտողները դրանում մեղադրում են այն աշխատողներին, ովքեր իրենց աշխատանքային սեղանների վրա սնվում են:
Պարզվել է նաև, որ տղամարդիկ ավելի շատ են աղտոտում տարածքը, քան կանայք: Հետազոտության արդյունքները ցույց են տվել, որ տղամարդկանց համակարգիչների մկնիկների վրա, ի տարբերություն կանանց, 40 տոկոսով ավելի շատ մանրէներ են լինում։
Երկրորդ ամենակեղտոտ իրը գրասենյակում ստեղնաշարն է, այնուհետև՝ հեռախոսներն ու աթոռները:
Հետազոտությունն իրականացրել է Initial Washroom Hygiene-ը, որն ուսումնասիրության համար օգտագործել է 158 իր՝ երեք տարբեր գրասենյակներից: Տվյալները համեմատվել են զուգարանի հիգիենայի վերաբերյալ արված հետազոտության արդյունքների հետ:
