Արքայադուստր Ֆաթմա Նեսլիսահ Օսմանօղլուն, ով Օսմանյան դինաստիայի անդամներից ամենածերն էր, մահացել է երկուշաբթի օրը՝ Ստամբուլում: Որպես մահվան պատճառ նշվում է սրտի կաթվածը:
Արքայադուստր Նեսլիսահը ծնվել է Ստամբուլում՝ 1921 թվականի փետրվարի 4-ին: Երկու տարի անց Թուրքիայի Հանրապետությունը եկավ փոխարինելու Օսմանյան կայսրությանը, որը Մերձավոր Արևելքի որոշ հատվածներում ու Արևելյան Եվրոպայում գերիշխել էր շուրջ 600 տարի:
Արքայադստեր պապը՝ Օսմանյան վերջին սուլթան Վահդեթին, և նրա ընտանիքի անդամները 1924 թ. աքսորվել էին:Արքայադուստրն իր մանկությունն ու պատանեկությունն անցկացրել էր Ֆրանսիայի Նիցցա քաղաքում, այնուհետև տեղափոխվել էր Եգիպտոս: Այդ տարիներին նա ապրել էր հայրենիքի կարոտը սրտում:
Նա ամուսնացել էր եգիպացի արքայազն Մուհամմեդ Աբդել Մոնեմի հետ: Շուտով Եգիպտոսը դարձել էր հանրապետություն, և արքայական զույգը հայտնվել էր տնային կալանքի տակ՝ երկրի կառավարության դեմ ուղղված միջազգային դավադրությանը մասնակից լինելու մեղադրանքով։ Նրանց Եգիպտոսից աքսորել էին, և ամուսինները բնակություն էին հաստատել Ֆրանսիայում:
1952 թ. Թուրքիայի կառավարությունը թույլ տվեց Օսմանյան ընտանիքի կին ներկայացուցիչներին հայրենիք վերադառնալ: 1957-ին նրանք վերադարձան Ստամբուլ:
