Ըստ ոստիկանության կայքում տեղադրված տվյալների` Արաբկիր համայնքի Բակունցի 2/2 շենքի 48 և 50 բնակարաններում հաշվառված է քվերակության իրավունք ունեցող 5 անձ: Ճշտելու համար տեղեկության հավաստիությունը, «Երկիր»-ի թղթակիցը գնացել է նշված բնակարանները և պարզել, որ հրապարակված թվերը չեն համապատասխանում իրականությանը: Երկու հասցեներում էլ ապրում են թոշակառու տատիկներ:
«Ի՞նչ 5 հոգի: Ո՞վ է նման բան ասել: Այ քեզ բան, ես մենակ եմ ապրում, երեխաներս էլ արտասահմանում են»,- վրդովվել է 48 բնակարանի բնակչուհին:
«Սենք չզլացանք այցելել նաև հաջորդ բնակարանը, որտեղ մեր հարցերին պատասխանեց տարեց մի կին: Նա առանց դուռը բացելու, բարկացած ասաց, որ մենակ է ապրում: «Այդ ովքե՞ր են քվեարկելու, եթե ես մենակ եմ ապրում: Տղաս գտնվում է Գերմանիայում: Չեմ գնալու ընտրություններին, մեկ ա կեղծում են, հենա ինքներդ եք տեսնում` ինչեր են անում»,- նշեց նա»,- հավելում է թերթը:
