Ուկրաինան Իրաքի համար պատրաստել է 62 զրահամեքենաների երկրորդ խմբաքանակը: Այս մասին այսօր հայտնել են «Ուկրօբորոնպրոմ» պետական կոնցեռնի մամուլի ծառայությունից:
Ինչպես հաղորդում է ITAR-TASS-ը, կոնցեռնի գլխավոր տնօրենը հայտնել է, որ փորձարկումների ավարտից հետո տեխնիկան կուղարկվի իրաքյան կողմին: Նրա խոսքերով՝ երկու կողմերի միջև պայմանագիրն իրականացվում է կայուն կերպով:
Ուկրաինան և Իրաքը 2009 թ. վերջին 457.5 մլն դոլարի պայմանագիր են ստորագրել՝ Իրաքին 420 միավոր զրահատեխնիկա տրամադրելու վերաբերյալ: Այդ տեխնիկայի առաջին խմբաքանակը՝ 26 միավոր, ուղարկվել է 2011 թ. ապրիլի 20-ին:
