Հանրահայտ հոլիվուդյան դերասան Ալեք Բոլդուինը պատրաստվում է ամուսնանալ յոգայի ուսուցչի` 28-ամյա Հիլարի Թոմասի հետ։ Այս մասին հաղորդում է ամերիկյան People պարբերականը:
«Այո, դա ճիշտ է: Ալեքը Հիլարիին առաջարկություն է արել հանգստյան օրերին, և մենք բոլորս շատ ուրախ ենք հարսնացուի և փեսացուի համար: Վաղը Ալեքի ծննդյան օրն է`այն նշելու հիասքանչ միջոց է»,- հայտնել է դերասանի մամլո ծառայության ներկայացուցիչը:
Рейтер գործակալությունը հաղորդում է, որ Թոմասը, ով ավելի վաղ աշխատել է որպես պարուհի, գերել է դերասանի սիրտը մոտ մեկ տարի առաջ:
Հաղորդվում է նաև, որ սիրավեպի ընթացքում զույգն ակտիվորեն հաղորդակցվել է Twitter-ում:
Բոլդուինը, ում 54 ամյակը կլրանա երեքշաբթի օրը, նախկինում ամուսնացած է եղել հոլիվուդյան դերասանուհի Քիմ Բեսինջերի հետ, սակայն 2002 թվականին նրանք ամուսնալուծվել են: Առաջին ամուսնությունից դերասանն ունի 16-ամյա աղջիկ:
