Արձագանքելով լրատվամիջոցների այն հրապարակումներին, թե ՀՀԿ ցուցակի 16-րդ հորիզոնականը զբաղեցնող երգչուհի Շուշան Պետրոսյանը ընտրություններից հետո ԱԺ-ում չի հայտնվելու, այլ լինելու է մշակույթի նախարար կամ փոխնախարար, ԱԺ պետաիրավական հարցերի հանձնաժողովի նախագահ, ՀՀԿ պատգամավոր Դավիթ Հարությունյանն ասաց, որ դրանք ընդամենը խոսակցություններ են: «Նման հարց չի քննարկվել և կուսակցությունում նման հարցեր չեն քննարկվում»,- նկատեց Դ. Հարությունյանը:
Հիշեցնենք, որ հրապարակումներից մեկի համաձայն՝ ՀՀԿ-ն Շուշան Պետրոսյանին տեսնում է գործադիրում, այն էլ մշակույթի նախարարի կամ փոխնախարարի պաշտոնում:
