Եվրոպական ստանդարտների հեռահաղորդակցման ինստիտուտը (ETSI) երկու ամսով հետաձգել է նոր ստանդարտի SIM քարտի քվեարկությունը: Այս մասին ասվում է ETSI-ի հայտարարության մեջ:
Նոր՝ nano-SIM ոչ պաշտոնական անվանումով հայտնի SIM քարտի տեսքը ETSI-ն նախատեսել էր որոշել մարտի 29-30-ը կայանալիք հանդիպման ժամանակ: Սակայն սմարթֆոններ արտադրողների միջև առկա տարաձայնությունների պատճառով այս գործընթացը որոշվել է հետաձգել: Ըստ ETSI-ի՝ քվեարկության առավել հավանական ժամկետը մայիսի 31-ին կամ հունիսի 1 է:
Նոր nano-SIM քարտերի ծրագրերը կազմել են Apple, Nokia և Research in Motion (RIM) ընկերությունները: Apple-ն առաջարկել է 12.3-8.8 միլիմետր չափերի քարտ,
Nokia-ն իր հերթին առաջարկել է թողարկել 10-8 միլիմետր չափերով քարտեր: Այս քարտերը հավանաբար հնարավոր չի լինի տեղադրել հին մոդելի հեռախոսներում: Իսկ RIM-ը՝ 11-9 միլիմետր:
Թե առաջարկված տարբերակներից որը կընտրվի՝ ETSI-ն կորոշի կայանալիք նիստի ժամանակ:
Նոր SIM քարտերը nano-SIM անվան փոխարեն կստանան 4FF կոդային անվանումը:
