Կանադայում անհայտ մորուքավոր տղամարդը իր փառքի 6 րոպեն է ապրել՝ ոստիկանական մեքենայի հետևի նստելատեղին նստած երգելով Queen խմբի Bohemian Rhapsody-ն: Կանադացին ձերբակալվել էր անցյալ տարվա նոյեմբերի 27-ին՝ առավոտյան ժամը 4-ին, ենթադրաբար Էդիսոն քաղաքում ՝ հարբեցողության համար:
Ինչպես հաղորդում է The National Post թերթը, անորոշ ճառ արտասանելով իր անմեղութան մասին և ոչ մի արձագանք չստանալով իրավապահների կողմից, տղամարդը հայտարարել է, որ իր ձերբակալությունն իրականում «հարբեցողության պատճառով չէ», այլ մոլորակի վրա ամբողջ մարդկության եղբայրության հարցն է:
Եվ մի փոքր մտորելով իր՝ «ամեն ինչ այնքան էլ կարևոր չէ» (Nothing really matters. վերոհիշյալ երգի տողերից) արտահայտության վրա, հանել է ակնոցը և խլացնելով ոստիկանական ռադիոկապը, սկսել երգել «Սա իրականությո՞ւն է, թե՞ պատրանք» (Is this the real life?
Is this just fantasy?) երգը:
Պարզվել է տղամարդը փայլուն հիշողություն ունի: Նա առանց սխալվելու ամբողջությամբ կատարել է 1975թ. գլուխգործոցը: Վերջում անգամ իմպրովիզացիա է արել. «Իրականում ամեն ինչ ունայնություն է, ամեն ինչ ունայնություն է, դա բոլորին հասկանալի է: Ամեն ինչ ունայնություն է… Անգամ ոստիկանությունը» (Nothing really matters, Anyone can see,Nothing really matters):
Մոտենալով ոստիկանական բաժանմունքին՝ ոստիկանները նրան թույլ են տվել ավարտել յուրօրինակ ներկայացումը և խնդրել են հանգստանալ: Մեքենայից դուրս գալիս, երբ բարձրացել է նրան ձեռնաշղթաներ հագցնելու հարցը և ոստիկանները հարցրել են՝ արդյոք նա իրեն նորմալ կպահի՞, տղամարդը պատասխանել է, որ իրեն չի հետաքրքրում ֆիզիկական բռնությունը:
