Google-ի գրասենյակները հայտնի են նրանով, որ իրենց աշխատակիցներին անվճար սնունդ են տրամադրում, որի պատճառով աշխատակիցները գիրանում են:
Daily Mail-ը գրում է, որ այժմ, սակայն, ընկերությունը որոշել է դիմել ռազմավարական քայլերի` առավել առողջ սննդակարգ առաջարկելով իր աշխատակիցներին: Google-ը որոշել է փոխել այն, թե ինչպես է անվճար քաղցրավենիքը ներկայացվում աշխատակիցներին:
Այժմ քաղցրավենիքները տեղադրված կլինեն մուգ գույնի տարաներում, որը կստիպի, որ մարդիկ ակտիվորեն փորձեն վերցնել քաղցրավենիքը, բայց այն փաստը, որ իրենք չեն իմանա, թե իրենց ինչ քաղցրավենիք բաժին կհասնի, կնվազեցնի ուտելու ցանկությունը:
Ըստ ընկերության՝ իրենք փոփոխություն նկատել են արդեն մեկ շաբաթում: Աշխատակիցներից մեկն ասել է, որ մուգ տարաները միայն թույլ վիզուալ պատկերացում են տալիս այն մասին, թե ինչ կա տարայում, ամեն անգամ վերցնելիս հասկանում են, որ իրենք կրկին քաղցրավենիք են ուտելու, ու առավել ճիշտ ընտրություն են կատարում։
