Հնդկաստանի արևելքում այսօր անցկացվել է գերձայնային թևավոր, «մակերես-մակերես» դասի, ռուս-հնդկական «ԲրաՄոս» հրթիռի՝ վերջին երեք օրում երկրորդ փորձարկումը: Այս մասին հայտնում է ITAR-TASS գործակալությունը:
Ինչպես հաղորդել են տեղական ԶԼՄ-ները, հրթիռը արձակվել է Օրիսս նահանգի հրաձգարանից:
«ԲրաՄոս» հրթիռը օգտագործում է պինդ և հեղուկ վառելիք, ունի 200 կմ հեռահարություն: Այն ի վիճակի է հասցնել մինչև 300 կգ սովորական մարտագլխիկը: Այդ կարգի հրթիռներ արդեն գտնվում են հնդկական ցամաքային զորքերի տրամադրության տակ, դրանցով զինված են նաև Հնդկաստանի ռազմածովային ուժերի սուզանավերը:
