Գայլերը ցեղակից են այն շներին, որոնց հետ մեզանից շատերն ամեն օր ապրում են կողք կողքի: Բայց, չնայած շների հետ այդ կապին, գայլերը հայտնի չեն մարդկանց հետ իրենց չափազանց մտերիմ հարաբերություններով:
Daily Mail-ը գրում է, որ գայլերը, վայրի բնության մեջ ապրելով, դառնում են այնքան ուժեղ, որ կարող են հաղթել իրենցից չափերով երկու անգամ մեծ կեդանիներին: Բայց համացանցում տեղադրված անհավանական կադրերը ցույց են տալիս, որ գայլերը նույնպես կարող են բարի ու սիրալիր լինել:
TNT ամսագիրրը հայտնում է, որ Անիտա անունով կինը Նորվեգիայի Polar կենդանաբանական այգում ծանոթացել է գայլերի խմբի հետ և երկու տարի շարունակ այցելել է նրանց` ընկերանալով վայրի կենդանիների հետ:
Այնուհետև երկու ամիս Անիտան չի տեսնվել կենդանիների հետ: Համացանցում տեղադրված տեսանյութը ներկայացնում է նրանց հանդիպումը` ապացուցելով, որ գայլերը նույնպես կարող են ընկերանալ մարդկանց հետ ու հավատարիմ մնալ նրանց: