Շվեդական Micro Systemation ընկերությունը ցանկացած iPhone կամ Android ավելի քիչ քան 2 րոպեի ընթացքում «բացելու» միջոց է գտել,- հաղորդում է Вести.Ru-ն՝ վկայակոչելով CNet News-ին:
YouTube-ում տեղադրված տեսանյութում ընկերության մասնագետները «բացում» են Apple-ի հեռախոսը սեփական XRY ծրագրի միջոցով:
Գուշակելով 4 նիշանոց արգելափակման PIN-կոդը՝ XRY-ը բոլոր տվյալները սարքավորումից տեղափոխել է համակարգչի վրա և կարդում է դրանք: «Բացելուց» հետո կարելի է ստանալ գրեթե ցանկացած տեղեկություն սարքավորման մասին, այդ թվում՝ GPS տվյալները, տեղեկություններ զանգերի, կոնտակտների, SMS հաղորդագրությունների և այլնի մասին:
Micro Systemation մասնագիտանում է սարքավորումների անվտանգության համակարգերի ոլորտում և մասնագիտացած է ոստիկանության և բանակի համար ծրագրային ապահովմամբ:
Շվեդական ընկերության արտադրանքը կիրառվում է ավելի քան 60 երկրներում: Օրինակ՝ այս ծրագրային համակարգով են աշխատում ԱՄՆ-ի FBI-ը և Մեծ Բրիտանիայի բոլոր ոստիկանական ստորաբաժանումները:
