Բաղդադի կենտրոնում այսօր՝ Արաբական պետությունների լիգայի (ԱՊԼ) գագաթնաժողովի բացման օրը, ուժեղ պայթյուն է տեղի ունեցել: Ինչպես հաղորդում է Agence France-Presse-ը, ռումբը պայթել է Սալհիա թաղամասում՝ այսպես կոչված «Կանաչ գոտուց» ոչ հեռու, որտեղ գտնվում են պետական հաստատությունների և օտարերկրյա ներկայացուցչությունների մեծ մասը: Al-Jazeera-ի տեղեկություններով, պայթյունը տեղի է ունեցել Իրանի դեսպանատան մոտ: Զոհերի և վիրավորների մասին առայժմ տեղեկություն չկա:
Գագաթնաժողովը, որի քննարկման կարևորագույն թեմաներից է Սիրիայում տիրող իրավիճակը, չնայած պայթյունին, այնուամենայնիվ բացվել է: Ֆորումի մասնասկիցների թվում են 9 պետության ղեկավար, այդ թվում՝ Քուվեյթի էմիրը, որը 1990 . Սադամ Հուսեյնի ագրեսիայից հետո առաջին անգամ է Իրաք այցելում: Գագաթնաժողովին կմասնակցի նաև ՄԱԿ-ի գլխավոր քարտուղար Պան Գի Մունը:
Միջոցառման բացումից առաջ Իրաքի իշխանությունները փաստացիորեն փակել են Բաղդադի մուտքը և ելքը տրանսպորտային միջոցների համար, ինչպես նաև բարձր մարտական պատրաստականության են բերել շուրջ 100 հազար զինվորականների և ոստիկանների: Բացի այդ, Բաղդադում արգելվել է բոլոր ինքնաթիռների թռիչքը, բացառությամբ օտարերկրա պատվիրակությունների օդանավերի:
Նշենք, որ ԱՊԼ գագաթնաժողով Բաղդադում տեղի չի ունեցել ավելի քան 20 տարի:
