Այսօր կառավարությունը հաստատեց տեղեկատվական տեխնոլոգիաների ոլորտի խթանման ծառայությունների 2012 թվականի ծրագիրը: Վարչապետ Տիգրան Սարգսյանի խոսքով՝ սա այն ոլորտն է, որտեղ ակնհայտ հաջողություններ կան:
«Մասնավոր հատվածը պետության առջև հստակ խնդիր է դնում` առնվազն 20%-ով պետք է բուհերում տեղերը ավելացնենք՝ ոլորտի մասնագետներ պատրաստելու համար»,- ասաց վարչապետը:
Նրա խոսքով՝ ոլորտի տարեկան աճը 20-30% է, և աշխատողների մեծ պահանջարկ կա, ընդ որում` աշխատավարձերն էլ բարձր են: «Նոր աշխատատեղերում աշխատավարձը սկսվում է 500 հազար դրամից»,- ընդգծեց Տ. Սարգսյանը:
Վարչապետը նաև նշեց, որ երկրորդ այդպիսի ճյուղը ՀՀ համար դառնալու է ճշգրիտ ճարտարագիտությունը, երրորդը` դեղագործությունը: Դրանք այն ոլորտներն են, որոնք ընդգրկված են արտահանման խթանման ռազմավարությունում:
