Նորայր Նորիկյանը Facebook-ի իր էջում գրում է.
…Մեծ, շատ մեծ շռայլություն է, երբ մի ամբողջ ժողովուրդ արդեն քանի դար երազում-պայքարում է անկախության, դրա միջոցով` ազատության համար: Մեզ հետ համաքայլ ընթացող ազգերը գտել են իրենց պետության, իրենց բաժին հայրենիքի բարօրության բանաձևը ու այսօր իրենց «բարձր» դիրքերից զբաղված են քաղաքակրթության դասախոսությամբ` մեր պես հին ու «չկայացած» ժողովուրդների, պետությունների գլխին:
Մենք էլ պատմական իներցիայի, մեր տեսակի անուղղելիությամբ մեր փրկությունը անհուսորեն շարունակում ենք փնտրել նրանց մեջ` Խրիմյան Հայրիկից մինչև մեր օրերի քաղաքական-մտավորական ընտրանին…
